جولة في المدونة ^_^

السلام عليكم ورحمه الله وبركاته 

بعد شهور سايبه المدونة وتقريبا نسيت كنت عملاها ليه 

قلت اقرا اللي كتباه عشان افهم واحلل عقليتي في ذلك الوقت 

وبدات مع عيد فالنتين ولا عيد حب

اللي فهمته اني كنت بكتب عن الفالنتين بس الموضوع اتبعتر مني 

بس ده لايمنع انه كان موضوع كوميدي اخر حاجه عجبتني اوي الحته بتاعه 

بالزمه مش عسل ^_^

لو عاوزين تتنقطوا اكتر اقروها بالكامل والرابط عندكوا فوق اهون 

نروح علي تاني تدوينه ارنوبي ولا بطوط

نروح الاول كدهون علي اسباب كتابتي ليها 

كنت اتعرفت علي واحده وبقت صديقتي خالص وفي الاخر طلعت نصابه 

فكان جوايا حجات كتير عاوزه اقولها بس للاسف متهيالي كان في  في التدوينه ايموشنات اكتر من اللازم 

اوكان فيها بط اكتر من اللازم 

وزي التدوينه اللي قبلها وصلت لدايره والحلزونه يما الحلزونه

بس برده ككوميديا التدوينه دي كميله 

بعدها قلت استثمر مواهبي واكتب روايه روايه ملهاش اسم االفصل الاول

 وزي مكان ملهاش اسم مبقاش ليها تكلمه 

الروايه حازت علي اعجاب النقاد وكانت اول خطوه نحو النجاح 

معرفش ليها مكملتهاش 

يمكن عشان وانا بتكب الفصل التاني واجهتني مشاكل في الاسماء

(لو كملتها هتعرفوا اقصد ايه)

بس دي كل الحكايه

س: في ناس هتسال ليه افتكرتها دلوقتي 

ج: لان كنت عاوزه اكتب حاجه 

ج:اه وكمان متهيالي بكتب عشان عاوزه ابعبر عن شعوراتي 
س: فين الحاجه دي

ج: لسه بتستوي في مخي 

وحالا جه الوقت اقولكم باي باي 

اروح اكل الملوخيه بقي ^_^

في حفظ الله 

ارنوبي ولا بطوط

السلام عليكم 

ازيكم ياحلوين النهارده 

انا معايا صديقي العزيز (monkey) 

الدنيا زي المرجيحه <<هيلا هيلا هوبا

في يوم بتكون فوق وفجاه تقع 

يوم تكون شايف حد ملاك وبعدها تلاقيه ابليس<<مش بتتكلمي عني صح

ساعات بنكون بنحلم بشئ وفاكرينه الجنة

ولما نقربله نتحرق بناره

ساعات ممكن نكون شايفين ارنوبي طول الوقت <<ايه 

وبعدين نلاقيه بطه<<بطة

وممكن يكون بطه ونلاقيه بطوط<<تقربي لعكاشه صح 

ممكن مثلا نشوف واحد هادي كده وساكت نقول عليه خايب
<<كان ايه جابني هنا بس 

لكن وقت محد يجي عليه مبيسكتلوش ويعلقه من قفاه <<وانا مالي 

وساعات العكس حد يبقي بيتكلم ويحكي في الاخر نكتشف انه بطه<<ده انتي صح 

وساعات نشوف حد من بعيد

 نقول عليه طيب وحنين ومتربي ونلاقيه في الاخر ولا يسوي

ساعات بنكون نفسنا بط وساعات بنكون ارنب<<هو عكاشه 

بس السؤال اللي محيرني ليه مبنشوفش غير وجه واحد

 <<يمكن الشريط وشه التاني سف 

ليه دايما بنكون متخيلين الانسان السوبر << كمان سوبر مان 

نشوف حد كده من اول نظره نقول شبهنا <<ملل

مفيش حاجه اسمها شبهك

وبعدين بص لنفسك مش انت فيك عيوب<<اتكلمي عن نفسك ياماما 

ركز في كل المواقف هتحس ان احيانا بيحصل فلاش باك<<

لما تلاقي حد شبهك متفكرش اد ايه انت حلو  << هو ده الحل الوحيد 

فكر في عيوبك هتلاقي انك لازم تبعد <<منك لله

متبصش  من ناحيه البطه بس ولا ناحيه الارنب بس<<عاوز اروح 

في النهايه لو فهمت حاجه يبقي انت عبقري

 لو مفهمتش يبقي شئ طبيعي <<ممكن اروح بقي 

في حفظ الله جميعا 

..........

عيد فالنتين ولا عيد حب

طبيعي بما اننا في {Valentins}

كان من الطبيعي اني اكتب اول موضع عن الفالنتين <<<مش محتاجه ذكاء يعني

جه في بالي حجات كتير تكتب مثلا ان الفالنتين مش عيد وكفايه عيد الاضحي والفطر ^^

او اكتب ان الواحد لازم يبقي رومانسي و...ألخ وان الافلنتين

 (عارفه اني كتباها غلط بس عجباني الغلطه)يوم حلو ^^

بس كل ده اتكتب 

فكرت اني اكتب عن مظاهر الاحتفال بيه حول العالم 

بس لقيت الموضوع ملوش اي خمسين لازمه خاصتا ان ويكي(ويكيديا) كاتبه عنه هــــنـــا

قلت اتكلم عنه من وجهه نظري بس المشكله اني ليا ميه وجهه نظر ><حيطه سد

مثلا ممكن اقول ان  كارهه الافوره اللي الناس عملاها حرام حلال عيب غلط حلو وحش ايه ده كله

جت علي يوم يحصل كل الحاجه دي بدات اتعصب

وكمان اللي حاصرين كلمه حب مبين واحد وواحده

 طب ليه في اليوم ده منحاولش نسعد الناس اللي بتحبنا اي كانت اللي قلبها علينا

اب ام اخ اخت نفتكر تضحيه شخص عزيز 

في ناس هتقو طب ليه منحبش بعض طول السنه هقولك في المشمش وحتي لو بنحب بعض طول السنه 

فيها ايه لما نحب بعض اكتر اليوم ده

____________________________

طبعا في امر ما كان محيرني ايه علاقه القديس فالنتين بعيد الحب ليه عيد الحب اسمه فالنتين فلجات لجوجل وكان الاتي

 وحكم الرومان الإمبراطور الروماني (كلوديوس الثاني) في القرن الثالث الميلادي منع جنوده من الزواج لأن الزواج يشغلهم عن الحروب التي كان يخوضها، فتصدى لهذا القرار (القديس فالنتين) وصار يجري عقود الزواج للجند سرا، فعلم الإمبراطور بذلك فزج به في السجن، وحكم عليه بالإعدام.

(يعني افهم ان فالنتين كان بيضرب لهم ورقه عرفي ولما عرف الحاكم عدمه )

حسيت في الاخر ان المشكله الرئيسيه في الاحتفال اننا بنقول فالنتين بدل love 

 وكده نبقي فعلا بنحتفل بالحج فالنتين تخيلوا معايا الكلمه  happy love day^..^ 

سامعين اللحن بس مش هو فالنتين ترجمته في جوجل عيد حب ده حتي بالصيني مترجمينها كده 

اعمل ايه عشان اخلص منه ابعت رساله للطرف التالت يقتل الفالنتين
عاجبكم كده اهو انا اتجننت (~_~)

 الخلاصه ان لو مش عاجبكم فالنتين خلوه لوف سهله وفي الاخر

 والنبي والنبي اجبروا بخاطري في الفالنتين  واعملوافولو

(خلو بالكم من الفراغات مكتوب فيها) 

نفسي في دبدوب بقي